Frikki talar hvort heldur sem er í síma eða skó og Þröstur er alveg gapandi yfir þessu.

Raggi og Gunni láta fara vel um sig í leðrinu en skelltu sér svo í keilu á Leirvík, ásamt fleirum.

Biggi flatmagar. Hann var mjög stilltur á laugardagskvöldið. Var ökuhæfur og skutlaði mönnum hægri vinstri en reyndar bara innanbæjar.

Við Himmi skelltum okkur af stað og komum við í Aðalsteini Jónssyni þar sem vel var tekið á móti okkur. Þaðan fórum við á eina pöbban á Fuglafirði en neðan við hann eru nokkur listaverk sem ég plataði Himma Limm niðurað í myndatöku.

Fyrst voru bara við Himmi, Allamenn og reyndar nokkrir færeyingar á pöbbanum og þá smellti barþjónninn þessari mynd af.

Himmi með nokkrum Allamönnum og Guðmundarmenn rétt ókomnir á pöbbann. Í næsta húsi voru reyndar tónleikar með færeyskri hjómsveit. Ég fór yfir og náði síðasta laginu og klappað svo sem óður væri og fékk eitt í viðbót. Ég var reyndar ekki sá eini sem klappaði.

Í dag, sunnudag, fórum við Himmi, Haffi og Óli í bíltúr og var þessari mynd smellt af yfir Fuglafjörð í upphafi þeirrar ferðar. Það munaði ekki miklu að Himma Limm hefði verið skilinn eftir þarna. Svo mikiðm lá Óla á að keyra af stað þegar hann heyrði Haffa skella hurðinni á bílnum en Himmi var þá bara ennþá úti. Við hlóum mikið af þessu.

Séð yfir Klaksvík. Tindurinn Suður á nakki, 703m yfir sjó, í baksýn. Klaksvík er á næstu eyju austan við Eysturoy, þar sem Fuglafjörður er, en sú eyja heitir Bordoy. Færeyjar eru þræl götóttar og þarna er meira eða minna farið á milli eyja og í gegnum fjöll um göng. Við íslendingar ætuum að hissa upp um okkur brækurnar í þeim efnum.

Óli, Himmi og Haffi í Klaksvík.

Svo lá leið okkar aftur yfir á Eysturoy og völdum við að fara fjallabaksleið nyðri. Þar var á leið okkar þorpið Funningur sem hér sér yfir.

Haffi tók að sér að pósa að þessu sinni, þarna ofan við þorpið Funningur.

Óli smellti þessari af, af mér undir Slættartindi. Slættasrtindur er hæðsti tindur Færeyja, 883m yfir sjó. Leið okkar lá ekki þangað upp þó gaman hefði verið, heldur suður til Þórshafnar.

Himma Limm fékk sér sæti og pósaði með Karl og kerlingu í baksýn. Haukur Grettis sagði mér söguna af karli og kerlu. Hún er þannig að eitt sinn fóru færeyingar til Íslands og náðu þar í tröllahjón. Karl og kerlingu. Þeim var ætlað það hlutverk að draga Færeyjar til Íslands, en eins og gjarnt ert um hjón, þá fóru þau að rífast og rifust þar til sólin fór að skína, döguðu uppi og standa þarna enn.

Himma Limm undir Slættartindi.

Á leið okkar suður til Þórshafnar stoppuðum við aðeins í þorpi sem heitir Hósvík. Þar urðu á vegi okkar þetta gæsapar með unga. Ég geri ráð fyrir að þetta sé gæsamamman sem er svona öskuíll yfir nærveru minni. Athugið að þær eru þarna inni í garði inni í miðjum bæ. Kindurnar í Færeyjum eru líka í görðunum hjá fólki ef þeim finnst grasið vera grænna þar.

Ástæðan fyrir því að við stoppuðum í Hósvík var þessi fallegi foss sem Óli og Himmi tóku að sér að skreita fyrir mig og okkur öll hin. Lítið er undirlendið í Færeyjum og víða fallegir fossar niður hlíðarnar, líkt og er á aust- og vestfjörðum Íslands.

Haffalingurinn og Himma Limm vermdu afursætið í ferðinni, á meðan Óli ók og ég var leiðsögumaður.

Komnir til Þórshafnar. Á leiðinni á susi-matsölustað.

Ólalaóli, Haffalingur og Himma Limm í Þórshöfn.

Mörg hús í Færeyjum erru með gras á þakinu. Það er kannski ekki furða því fyrst þeir eru með kindurnar í görðunum sínum þá verða þeir að hafa það gras sem þeir vilja að fái að vera í friði fyrir þeim, uppi á þaki. Þetta hús reyndist vera gallerí og ég slæddist þangar inn og labbaði náttúrulega út með mynd handa henni Böddu minni.

Og þetta er afrakstur innlitsins í galleríið. Lundinn hennar Böddu minnar.

Óli fékk sér bara ís, þótt þeir hefðu þarna einstaklega spennandi úrval af kökum þarna inni.

Þegar verið er að dæla og Þröstur er á vakt þá verður hann yfirleitt eftir afturá og sinnir þeirri vinnu sem þar er að gera. Eitt af þeim verkum sem þá liggja fyrir er að sauma pokann aftur á trollið og það er einmitt það sem Bí bí er að gera þarna.

Pokinn á síðunni og gott í.

Skammturinn sem við fengum var það góður að ekki var þörf á að kasta aftur í bráð. Róbert, sem stýrir fleyinu núna, brá sér því í hlutverk rafeindavirkjans og dittaði að græjum.

Þeir klikka ekki á neinu sem þeir taka sér fyrir hendur, félagarnir Jonni og Fannar. Fannar er alltaf að bæta við tattoin sín og fékk sér nýlega eitt glæsilegt á hendina sem þó er enn ófullgert. Maðurinn er smá saman að breytast í listaverk.

Óli á vaktinni og sér meðal annars til þess að allt gangi vel smurt fyrir sig.

Klukkan komin undir miðnætti og Róbert skipstjóri slakar á og æfir sig á ukulilið sitt. Hann er á góðri leið með að verða partýfær á græjuna.

Frikki stýrimaður hampar hér Herbalifinu sínu sem hann segir að sé allra meina bót eða það sér hægt að afurðir frá Herbalife sem flest geta lagað. Frikki lítur í það minnsta ágætlega út þannig að eitthvað gæti verið til í hans málflutningi.

Svessi litli frá Lögbergi var flottur sem fyrr, þar sem hann stóð vaktina á skiljunni þegar verið var að dæla í dag.

Og á meðan var Himmi í eldhúsinu að undirbúa kvöldmatinn, sem að þessu sinni voru fylltar kjúklingabringur vafðar með bekoni, a la Himma Limm

Tíno sá um að frystikerfið hefði nóg að gera og leist vel á kolmunann sem hann var að handfjatla.

Það fraus í miðstöðvarkerfi tveggja frysitækja vegna þess að af einhverjum orsökum var lokað inn á þau. Það hafði þær afleiðingar að kerfið frostspakk á öðru tækinu. Haffi sá um að lagfæra það með smávægilegri aðstoð frá mér.

Þeir eru miklir mátar, Haffi og Himmi.

Heiddi, öðru nafni táningurinn Tarsan, var kominn á vakt um kvöldið og sá um að allt gengi hnökralaust fyrir sig í pökkuninni.

Aðalsteinninn í áhöfninni og Raggi voru að koma upp úr lestinni í tækjastoppi. En stákarnir fá smá pásu frá því að þeir klára að slá úr og setja aftur í frystitækin, þar til hringurinn hefst á ný og tími er kominn til að slá úr aftur. Raggi er kominn til okkar aftur eftir tveggja ára fjarveru. Vonandi finnst pláss fyrir hann á þétt skipuðum bekk okkar Guðmundarmanna.

Hjölli ofan í svo kölluðum steis að þrífa.

Og þarna glittir í Jonna í móðunni

Það er ekki alveg laust við Jonni sé eins og engill á þessari mynd.

Kristó á vaktinni og sá um að dæla undan strákunum sem voru að þrífa lestarnar.

Sjóarinn síkáti vinnur við að breyta lestunum aftur fyrir frystingu.

Ef Gunni er sjóarinn síkáti hvað eigum við þá að kalla Rabba þegar hann setur upp þennan svip.

Stjáni blái slappaði aðeins af eftir kaffisopann.

Aron og Haukurinn ætluð ekki að leifa mér að smella af þeim mynd þarna, því þeim fannst þeir vera eitthvað ógeðslegir verandi búnir að vera ofan í tönkum að þrífa. Ég fullvissaði þá hins vegar um að þeir væru vel innan marka og lygtin kæmi ekki fram á myndinni.

Árni kominn á vaktina og tók þetta líka flotta pós fyrir mig svo Aron má nú fara að passa sig ef hann ætlar ekki að missa yfirpósarastöðuna til Árna.