Bloggsíða Guðmundar VE

Sæl til sjávar og sveita.

Þegar við skildum við síðustu færslu þá vorum við á leiðinni í Faxaflóann í leiðinda veðri. Þar sem skipið fer alltaf svo vel með okkur voru menn varla viðbúnir veltingi. Bar nú svo við að meira að segja sjóhundar eins og Hilmar Sæmundsson,ásamt fleirum, urðu eitthvað slappir. Samkvæmt sjúkdómseinkennum var þessi slappleiki að öllum líkindum hin svokallaða” sjóveiki” sem lýsir sér þannig að þeir sem hana fá verða bara alveg sama. Þessvegna var pulsupartý á afmælisdaginn hans Bjössa og Hilmari var alveg sléttsama. Nóg um það.

Til að gera söguna styttri þá fengum við í skipið, dóluðum okkur áleiðis til Eyja, og notuðum tímann meðan beðið var eftir löndun í þrif. Svo tekur við að þrífa tanka á morgun og síðan segjum við þessari loðnuvertíð lokið. Til upprifjunar set ég nokkrar myndir sem teknar voru á loðnuvertíðinni 2010.

Sælt veri fólkið.

Þá er löndun lokið á Þórshöfn og gékk hún mjög vel. Stákarnir í löndunargenginu tæmdu stútfullar frystilestarnar á tæpum 18 tímum  en sú vinna er ekki gerð á mikið skemmri tíma en það.

Það gékk hins vegar ekki þrautalaust að komast frá bryggju á Þórshöfn, því Kári rauk upp í rosalegt reiðiskast akkúrat þegar verið var að sleppa og stóðu, upp í 30 m/sek. vindhviður á Bb. síðu Guðmundar og klesstu honum að bryggjunni svo hliðarskrúfunar höfðu ekkert á móti þessum ósköpum. Kári þurfti þó aðeins að kasta mæðinni svo hann datt niður fyrir 10 m/sek og losnuðum við þá úr prísundinni.

Við Haffi skelltum okkur í Fánasmiðjuna á Þórshöfn og fengum okkur nýja samfestinga í inniverunni, sem eru svo flottir að vel mætti skella sér á ball í þeim. Það kom meira að segja til tals hvort þarna væri ekki komið dressið fyrir næsta sjómannadagsball.

Við tökum okkur bara hev.... vel út, þó ég segi sjálfur frá.

Sko, þarna eigum við heima.

Þetta eru sérlega glæsilegir gallar og svo glansar svo flott á þá. En það er nú ekkert, því ég fer nokkuð nærri um að Siggu og Böddu finnst mennirnir með þessi breiðu bök vera ennþá flottari en gallarnir.

Þegar við losnuðum úr böndum Kára jötumó þá tók við barningurinn við bræluna á langri leið til loðnumiðanna á Faxaflóanum. Guðmundur hin Góði fer þó vel á þessu en eðli málsins samkvæmt er gangurinn í hægari kantinum.

Sturla er óþreyjufullur að komast á miðin en verður eins og aðrir menn, bara að sýna þolinmæði þegar veðurguðirnir ólmast í þessum ham.

Já sjómennskan, já sjómennska, sjómennskan er ekkert grín. Tra, la, la, la, la......

Þegar verið er á svona stími þá er rólegt yfir mannskapnum. Allir hlutir sjóklárir og búnaðurinn tilbúinn til veiða þegar við komum á miðin.

Heiðar, sem oftast er kallaður Heiddi, les í blöðin. Það má gera ráð fyrir að Icesave bregði fyrir í þeim textum sem hann er að lesa. Heiddi er aldursforsetinn í áhöfninni og ég vona að ég verði jafn sprækur og hann þegar ég kemst á sjötugsaldurinn.

En svo eru aðrir sem þurfa að hvíla sig þó helmingi yngri séu. En það er líka ágæt að safna kröftum.

Í sjónvarpinu var Arsenal að spila í ensku deildinni og Nallararnir láta ekki þann leik fram hjá sér fara þegar rólegheitin eru alsráðandi.

Víðir er erkinallari og fylgist vel með sínum mönnum

Haffi, sem er hörkunallari er greinilega áhyggjufullur í byrjun leiks þegar staðan var 0-0. Það byrja víst allir leikir þannig. Þær áhyggjur voru þó ástæðulausar því leikurinn fór 3-1 fyrir Arsenal. Til hamingju með það nallarar. Manchester United vann svo sinn leik stuttu seinna en ég er ekki viss um að nallararnir séu jafn ánægðir með það. Ég óska samt Júnnurum til hamigju með sinn sigur líka.

Einn er sá staður í skipinu þar sem rútínan er alltaf söm við sig þó annars staðar sé rólegt, en það er náttúrulega eldhúsið.

Fannar var mættur í eldhúsið að rétta Himma limm hjálparhönd við saltfisksalatið.

Himmi var búinn að taka út fyrir kvöldmatinn og ætlar greinilega að slá upp partíi. PULSUPARÍ, vei, vei. Til sjós er það gjarnan gert að kokkar eru með eitthvað létt og þægilegt þegar það brælir. Pylsur eru of kallaðar brælufæði en þær eru líka ágætar af og til og ekkert að því.

Þarna gefur að líta partísnakkið. Ég er þó nokkuð viss um að partíhaldarinn mun ekki stíga dans í þessu partíi sem hann ætlar að standa fyrir.

Til marks um rólegheitin sem eru á svona brælustýmum er þessi færsla, því það er greinilega rólegt hjá hjá mér líka verandi að nudda mér í þessari færslu núna.

Á morgun munum við svo ná á loðnumiðin og þá verða sko engin rólegheit.

Róleg brælukveðja frá Guðmundi VE

Sæl.

Hrognalöndun var lokið um klukkan þrjú í nótt og er frystilöndun þegar hafin. Samkvæmt viðtali við löndunargengið þá áætla þeir að verða búnir um miðnættið. Hér á Þórshöfn er veður með skaplegasta móti, aðeins kalt lítill vindur.

Ég vil hér í framhjáhlaupi minna á hinn bráðskemmtilega myndaþátt :Hvar er Gunni.

Þessi færsla verður engin langloka en við skulum láta myndirnar tala sínu máli.

.

.

.

.

.

.

Sæl að sinni.

Sæl veri þið.

Eins og fyrirsögnin ber með sér þá erum við nú á leiðinni til Þórshafnar á Langanesi. Er ætlunin að vera þar í kaffitímanum á morgun, sem sagt fimmtudag. Í þessum töluðu orðum erum við að flokka frá kallaloðnuna og frystum á Rússland. Konuloðnan fær að venju sérstaka meðferð þegar í land er komið. Þá fer hún í gegnum nuddmeðferð sem þykir það þægileg að það slakknar á þeim vöðvum sem halda hrognunum í henni. Þórshafnarbúar og nærsveitamenn eru löngu þekktir fyrir að vera alveg sérlega góðir loðnunuddarar og eigum við því von á að gífurlegt magn náist úr farminum.

Frystilöndun verður á sínum stað og verður hún líklegast hefðbundin.

Ljósmyndari síðunnar fór á stúfana og náði einstökum myndum af vaktinni sinni.

.

.

.

.

.

.

.

.