Sæl veriði.
Síðast þegar fréttist af okkur vorum við að bíða eftir löndun. Í stuttu máli fór löndun mjög vel fram og skilaði löndunargengið vel sínu verki. Vegna veðurs þurfti síðan að fresta brottför um einhverja klukkutíma.
Eins og fram kom í færslu hér á undan þá var keyptur fararskjóti einn forkunnarfagur, fagurblár, gerður af meistaranshöndum. Í löndunarbiðinni var hann hífður í land og Fannar Freyr tók að sér að þeysa á honum um eyjuna, annarsvegar þvera og hinsvegar endilanga. Margt var að sjá enda er mottó-ið hjá Fannari: “Fer hægt og margt sér”.
Hér er gripurinn kominn í land og fór í gang í fyrsta starti.
.
Takið sérstaklega eftir klæðnaði ökumannsins. Hann er í Nokia skófatnaði, galla frá 66°N og með glæran hjálm á höfði.
.
Neinei, hér er rétti útbúnaðurinn kominn utan á kappann.
Fleiri myndir af fararskjótanum hér.
Nú, lengri verður fæslan ekki í bili en svona til að tala eitthvað um veiðar og vinnslu þá ganga bæði veiðar og vinnsla vel.
Takk í dag
Sunnudagur 4. júlí 2010 kl: 12:42
Geggjuð færsla frá þér, fæ að lúlla í kojunni þinni í dag Haffi minn, kveðja Klefó!
Mánudagur 19. júlí 2010 kl: 00:14
Strákar, hvað er svo að frétta eftir allan þennan dauða tíma sem þið eruð ekki búnir að vera tengdir.