Bloggsíða Guðmundar VE

Sæl veri þið

Löndunin á Þórhöfn gékk vel og var spottunum sleppt fljótlega eftir að síðasti löndunarmaðurinn fór frá borði. Við eru nú á fyrsta hali og erum að reyna við blessuðu síldina.

Það voru nokkuð mikil mannaskipti í þessari inniveru og Bóndinn var einn af þeim sem mættu á svæðið. Hann er að koma frá Tenerife þar sem hann átti góðar stundir með konu sinni. Í það minnsta  brosir hann beitt sem reyndar er svo sem ekkert óvejulegt hjá Bóndanum. Merkilegur er þó munurinn á húðlit okkar, míns og Gunna. Gunni að koma úr sólinni en ég meira og minna verið inni í skrokk Guðmundar hins Góða síðustu tvo túra.

Þessir tveir á myndinni að neðan eru þeir Birkir og Grétar og eru hjá okkur í afleysingum. Þeir eru eyjapeyjar algjörlega inn að beini báðir tveir og hugur þeirra leitar örugglega í dalinn um helgina. En annað er líka öruggt að þeir þurfa ekki að kljást við þynnku eða móral, því nú skal bera björg í bú.

Haukur skellti sér heim til Akureyrar í inniverunni til að eiga góða stund í faðmi fjölskyldunnar og er mættur galvaskur aftur.

Stjáni er mikill fluguveiðimaður en hann og Róbert skelltu sér í vöðlur og vesti og reyndu fyrir sér í á, rétt við Þórshöfn (man ekki hvað hún heitir og skammast mín) og náðu þar í fimm þræl vænar bleikjur.

Iain var líka að koma um borð og er búinn að standa í stórræðum heima á Skotlandi. Hann var að steipa vegg í kring um lóðina sína og mokaði upp einhverjum lifandis ósköpum af jarðvegi úr lóðinni, að ég held tugum tonna. Allt með skóflu og hjólbörum.

Allt tekur enda um síðir og það á líka við um þessa færslu sem endar hér…..

Jaxlakveðja frá Guðmundi.